الشهدة الصغيرة هشيشة و لذيذة

موقع شهيوات زكية لكل ما يهم المرأة العربية

السلام عليكم و رحمة الله و بركاته اليوم جبت ليكم ميني شهدة

الشهدة الصغيرة هشيشة و لذيذة نتمنى تجربوها و تعجبكم ان شاء الله 

مقادير الشهدة الصغيرة هشيشة و لذيذة 

2 بيضات
2 كيسان عنبة حليب دافئ
كاس عنبة و نصف سنيدة
كاس عنبة زيت المائدة
2 خمارات الحلوى
خميرة العجين على حسب الجو
1 فاني
كيلو الا ربع دقيق
الشكلاط للتزيين

طريقة تحضير الشهدة الصغيرة هشيشة و لذيذة 

نعجنو كلشي و الى لقينا عجينتنا قاصحة نزيدو اما حليب دافئ او غير ماء دافئ

و نعجنوها مزيان تكون خفيفة بحال عجينة سفنج و نخليوها تخمر

و من بعد نعملو كويرة صغيرة فالوسط و 6 الكويرات صغار فالجنب

و نزوقو بيناتهم بالشكلاط و نخليوهم يخمرو

و ندخلوهم للفران على نار متوسطة

و ندهنوهم بالعسل مذوبة مع الفاني

و هنا درتها كبيرة شوية هي في الاصل كنديرها كبيرة فمرة و لكن من بعد

وليت الاغلبية نديرها صغيرة المهم هادي درت شوية صغيرة و الباقي درتو فمول

و هادي لي درت فالمول كنكورها كبيرة شوية و نعمل الشكلاط فوسطها

و نستفها فالمول وحدة جنب وحدة

و حتى هي تخمر شوية و ندخلوها للفران و من بعد تدهن بالعسل و الفاني

نتمنى تعجبكم الشهدة الصغيرة هشيشة و لذيذة 

ما تبخلوش عليا من دعواتكم

شكرا لصاحبة الوصفة