طارت بثلاث طبقات هائلة

موقع شهيوات لكل ما يهم المرأة العربية

جبت ليكم

طارت بثلاث طبقات هائلة

السلام عليكم ورحمة الله وبركاته من موقع شهيوات كنقدم ليكم طارت بثلاث طبقات هائلة ومذاق جديد ولذيذ جربيها سيدتي رها غدي تعجبك ، 

مقادير طارت بثلاث طبقات

الطبقة 1 الكيكة

3 بيضات
كاس صغير سنيدة
1/2 كاس زيت
1/4 كاس ماء مغلي مذوب فيه معلقة كبيرة كاكاو (ممكن تزيدي قهوة)
كاس و نصف طحين
1 خمارة
( نفس كاس العبار والكاس يكون صغر من كاس ديال العنبة)

الطريقة

بحال اي كيكة طربي البيض مع السنيدة وتزيدي الزيت والكاكاو ثم الطحين مغربل مع الخميرة

ودخليها طيب

ملي طابت قطعتها على حساب الاطار لي عندي

مقادير الطبقة 2

1/2 لتر حليب
3 معالق كبار كريم باتسيير
1 بيضة
80 غ شكلاط اسود مذوب مع معلقة صغيرة الزبدة
زلافة صغيرة كركاع محمر و مهرمش
معلقة كبيرة روح كراميل
سنيدة حسب الذوق

طربي بالفورشيط البيضة مع غبرة كريم باتسيير وسنيدة وزيديه على الحليب وحركي حتا يعقاد
زيدي عليه الكراميل (ايلا عندك غير نكهة استعمليها من الاول مع الحليب)
ثم الشكلاط مذوب
واخيرا الكركاع

وكبيه على الكيكة ودخليها تبرد على منوجدو الطبقة 3

مقادير الطبقة 3

كاس كبير عصير الليمون
3 فلان شكلاط او كراميل ديال درهم
سنيدة حسب الذوق
حركيه حتا يعقاد وكبيه على الطبقة الثانية غير بشوية انا كنستعمل صفاية باش ميتقبش ليا الطبقة الثانية

دخليها الثلاجة حتا تبرد وزوقيها حسب الرغبة
انا زوقتها بخطوط بدانون دانيت وقطع الشكلاط

وبالصحة والراحة

صور اضافية للطارت

•