وصفة صحراوية سرية لاكتساب الوزن والغلظ

موقع شهيوات ميمي

 مجلتك بإمتياز

وصفة صحراوية سرية لاكتساب الوزن والغلظ

 السلام عليكم و رحمة الله 

كيما تعرفو الصحراويات متبغيوش يقولو شنو تديرو المهم معلينا

 أنا استغليت الفرصة واجبت لجارتي الصحراوية لسانها حتى قالتلي 

واحد السر ديال الغلظ سر من أسرار الغلض الصحراوي لي بغات تغلاض

السر هو شحمة ديال الجمل وماشي أي شحمة الشحمة ديال الدروة.

 نعطيكم الوصفة دابا

مكونات الوصفة الصحراوية لزيادة الوزن

– 2 كيلو التمر عادي ماشي داك المعجن

 نزولولو العضم أنفوروه

– رابعة الجنجلان

– نصف كيلو زريعة الكتان

– رابعة ايلان

– رابعة كاوكاو

– رابعة اللوز

– رابعة الكركاع

– نصف كيلو الصوجا

– 100 غ نافع

– 250غ الحلبة

– ليبغى يزيد فانيد أو سيرو ديال الشهية
 لمبغاش هدشي راه كافي

– كيلو من شحمة الجمل :الدروة

– كأس ونصف الزيت العود

طريقة التحضير والاستعمال

نكليو الزرارع كامين في الفران أو فالمقلة
 منخليوهمش يتحمرو بزاف.

زريعة الكتان من الأفضل منكليوهاش

 تبقى خضرا.من بعد نطحنوهم مزيان

 مباشرة من فورو التمر

 نمعسوه بملعقة الخشب

 مزيان نضيف ليه الزرارع

نخلطو المكونات نزيدو الزيت

 نخلطو باش الزيت

 تندامج مع المكونات

نديب الشحمة نفرغها وهي سخونة 

فوق الخليط. 

وهدا لتيقولوليه الصحراويات

 العجنة أو اللحسة

نعمل منها كورات وتؤكل في الصباح

 و المساء .

حاجة أخرى الصحراويات تيشربو

 معاها الحسى

 هو طحين ديال الشعير

 وخاصو يكون جاري بالحليب.