كيك روعة خفيف ولذيذ من مطبخي وبالصور

موقع شهيوات زكية لكل ما يهم المرأة العربية

موقع شهيوات زكية  لكل ما يهم المرأة العربية يقدم

كيك روعة خفيف ولذيذ من مطبخي وبالصور

حبيباتي الغاليات اليوم قررت انني نزل ليكم كيكتي اللي عمرني نبدلها وعمرها محشماتني وكتجي طااالعة وغزااالة وبعدما جربوها الانيقات صحاباتي وحتى هوما عجباتهم اوا قبلو عليا الله ارضي عليكم . 

المقااااادير:

5 بيضات - كاس دانون ديال 2 دراهم وهو نفسو نعبرو بيه كاس ونص زيت - 2 كيسان سنيدة - كاس حليب - فاني- 3 خمارات - ساشي 7 كرام ديال كاكاو - 

والدقيق من 4 كيسان ديال دانون دقيق حتال 5 كيسان على حسب نوعية الدقيق .

الطريقة:

في كاس مولينكس نضع البيض + ساندة + فاني + زيت + دانون + حليب ونخلط كلشي مزيااااان 

حتى نحصل على هاذا الشكل 

نزيدو الدقيق مغربل ونحركو

ملي نساليو نقصو من الخليط شوية ونزيدوه ديك ساشية كاكاو ونخلطو 

نخويو فالمول الي يكون مدهون بزبدة ومرشوش بالدقيق طبعا الخليط الاول الابيض عاد نخويو فوقو الاسود وندخلوها لفران يكون بارد حتى ندخلوها الفرن عاد نشعلو عليها

وهاهي كيكتي الغالية ملي طابت

انا عااادة كنديرها عادية بلا شكلاط وكندهنها بالمربى ونرشها بالكوك وهاد المرة درتها بكاكاو على قبل ولدي تتعجبو هاكا 

انا نحط صورتها ملي صاوبتها قبل ودرتلها كونفتير والكوك 

نتمنى تجربوها وتعجبكم اللهم ادمها نعمة واحفضها من الزوال .