كيكتي المعلكة والمقرمشة في نفس الوقت دخلو تشوفو

موقع شهيوات زكية لكل ما يهم المرأة العربية

موقع شهيوات زكية  لكل ما يهم المرأة العربية يقدم

كروستاتا الايطالية لذيـــــذة 

مقادير الكيك:

2 بيضات

6 معالق كبار سنيدة

4 معالق كبار زيت

7 معالق كبار حليب

9 معالق دقيق 

1 خميرة الحلوة 7 غرام

طبقة البيسكوي:

12 قطعة بسكوي سبيكيلوز( او اي بسكوي بغيتو متلا سابلي او كوكيز هنريس نتوما ولي قال ليكم راسكم ههههه)

معلقة صغيرة قرفة

معلقة صغيرة زبدة

نصف كاس سكر

اول حاجة الكيك نخلطو المقادير بالتتابع لي في لائحة المقادير ونديرو في المول

البسكوي كانهرمشو (هههههه مالقيتش المصطلح المناسب مضحكوش عليا ) في كاسرونا نزيد عليه الزبدة والقرفة وسنيدة نديرهم فوق عافيا مهيلة ونبقا نحرك بشويا تاذوب الزبدة فقط ونزولو نخليه يبرد شويا

نخوي البسكوي فوق خليط الكيك وندخلو يطيب في الفران مدة نصف ساعة تقريبا على درجة حرارة 200 درجة

في هاد الوقت نوجد باش غانزين الكيك غانحتاج

نصف علبة الحليب المركز المحلى 

4 فرماجات

شكلاط ذايب

كانطرب الحليب المركز المحلى مع الفرماج ودرتو في ميكة حيت ماعنديش جيب حلواني لي من بعد غا نتقبها تقبة صغيرة باش تزوق بيها

هنا الكيك مني طاب 

نخليه تايبرد عاد نزوقو بخطوط من الخليط لي صاوبت والشكلاط 

موالفا نحط ليكم حقكم تذوقو ساعا قررت ناخد حقي ونخليكم منكم ليها هههههه