بريوش بالبطاطا مقطن وزوين بالصور

موقع شهيوات زكية لكل ما يهم المرأة العربية

موقع شهيوات زكية  لكل ما يهم المرأة العربية يقدم

بريوش بالبطاطا مقطن وزوين بالصور

مقادير بريوش بالبطاطا

500غ بطاطا مسلوقة مع قبصة ملح ومطحونة فالطحانة اليدوية + 1 كاس عنبة د الزيت + 1 كاس عنبة سكر لي كيبغي الحلاوة يزيد شوية + 2 بيضات + 3 فاني انا عملت 1 ساشي فاني وشوية فاني غبرة + 1 خميرة الحلويات وزن 20 غ وصفة الأخت أم رياض فيها غير 7 غ + م ك عامرة خميرة الخبز + قبصة ملح + دقيق حسب الخليط + أي نوع شكلاط إختياري 

مخصش العجين يبقا كيلصق 

طريقة تحضير بريوش بالبطاطا

خلطت البيض والسكر والزيت والفاني حتى داب السكر وضفت عليهم البطاطا خلطت مزيان وبديت كنضيف الدقيق مع الخميرة حتى حصلة على عجين لين معجون مزيان 

نغطي العجين ونخليه يخمر على خاطرو حتى يتضاعف الحجم 

نخويه من الهوا ونبدا التشكيل

قسمت العجين زوج كرات وحدة اكبر من أخرى الصغيرة عملت بيها الضفيرة 

والكبيرة قسمت العجين ل 20 قطعة وشكلتهم كيف باين فالصور وعملت الشكلاط بين العجين 

غطيت المول بالبلاستيك الغدائي وخليتو يخمر مرة أخرى

هاهو خمر دهنتو بخليط أصفر البيض مع شوية حليب ورشيشة من نيسكافي ورجعت غطيتهم على ما يسخن الفرن 

الفرن مسخن على 180 درجة مئوية

هاهو بريوش بالبطاطا واجد