طريقة غسل الحوت الزايز أو الأخطبوط

موقع شهيوات لكل ما يهم المرأة العربية

موقع شهيوات لكل ما يهم المرأة العربية يقدم

جبت ليكم

 

طريقة غسل الحوت الزايز أو الأخطبوط

كثير من السيدات تتسال عن طريقة غسل الحوت الزايز

أو الأخطبوط و لقيت الطريقة في احدى المنتدبات

طريقة سهلة و واضحة و حطيتها ليكم ليستفيد الجميع 

اولا ناخدو الاخطبوط نوضعوه فبانيو

نقلبو ليه الراس ديالو ونحيدو ليه مسيرناتو

كيفما موضح فالصورة

من بعد نقلبوه غادين لاحضو واحد لحاجة كحلة

نضغطو عليها كيفما شفتو

وغادين نحيدوها

نفس الطريقة للباقي

من بعد نوضعوهم فبلاستيكة نخبطوهم بمدلك او عصا

باش لعروق اللي فرجليهم يرطابو ويجيو فتيين فالاكل

نغسلوهم مزيان

نوضعوهم فكوكوط اوبرمة نكبو عليهم لما غليان

نوضعوهم فوق النار يغلاو مزيان كيفما شفتو محدهم

تيغليو او لما تيولي لونو احمر

من بعد نخليوهم يبرد عليهم لما كيفما لاحظتو

الجلدة تتبدا تفسخ غي بوحدها

نحيدو ليهم لعوينات اللي محيدناهمش قبل

ونسلخوهم نوضعوهم يتسقطرو

من بعد نقطعوهم رقاق ونحتافظو بيهم فالمجمد

نحضرو بيهم بيتزا الروز او نعملوه مشرمل او سلطة

كل واحد على حسب الرغبة

بالصحة و الراحة

ولأي إستفسار الرجاء ترك تعليقاتكم لأقوم بالإجابة عليها في القريب العاجل

لا تقرئي وترحلي شارك معنا بتعليق فنحن نسعى لنقدم لك الافضل والاجمل.