03 ساندويتشات للعشاء لذاذ

موقع شهيوات زكية  لكل ما يهم المرأة العربية

 

ساندويتشات للعشاء لذاذ

ساندويتش شكل جديد وراقي يعجب الكبار والصغار

 مقادير ساندويشات للعشاء لداد

300 دقيق

معلقة صغيرة سكر

نصف معلقة صغيرة خميرة معجونة

شوية الملحة

ماء دافي

طريقة تحضير ساندويشات للعشاء


حضرت العجين خليتو يرتاح 15 دقيقة

عملت منو كويرات وتنطلق كل كرة بالمدلك تبقى شوية غليظة

طيبتهم في المقلة الي غادي نعمل فيها الأمليت

لي طابت تنغطيها بمنديل حتى كملت و قسمتهم من الوسط على 2
  

للأمليت الأول

2 بيضات 
معلقة كبيرة حليب
ملح و ابزار 
وجبن محكوك استعملت موتزريلا

وضعت شوية الزيت في المقلة و فرغت فيه البيض مخلط مع الحليب و الملح و الابزار

 

لما تماسك البيض و ضعت عليه الجبن

ثم نصف الرغيفة

 

ثم قلبتها تيصبح الرغيف في الأسفل

 

تنعمل مرة أخرى الفرماج محكوك

وتنغطي بنصف الرغيفة الثاني

 

وتنعاود نقلبها باش يدوب الجبن لي فوق لما تيدوب الجبن تيلصق الرغيف مع الأمليط تيجي على شكل فطيرة

للأمليط الثاني 

2 بيضات 
معلقة كبيرة حليب
ملح ابزار
شوية الكفتة 
بصلة مشلظة 
شومبينيون معلب
معدنوس
صلصة حارة
جبن محكوك
وضعت شوية الزيت شحرت فيه البصلة ثم الكفتة و في الأخير ضفت المعدنوس و الشومبنيون و ملح و ابزار

 

وفرغت عليهم البيض مخلط مع الحليب و ملح وابزار ومن فوق منهم شوية الصلصة حارة

لما تماسك الأمليط ضفت عليه الجبن محكوك

 

ثم غطيت بنصف رغيفة

 

قلبتها تيصبح الرغيف في الأسفل

ثم الجبن محكوك

و تنغطي بنصف الرغيفة الثاني

وتنعاود نقلبها مرة أخرى باش يدوب الجبن لي فوق و الى بغينا الرغيفة تجي محمرة ندهنها بشوية الزبدة قبل ما نقلبوها

الأمليط الثالث 

2 بيضات 
معلقة حليب 
ملح و ابزار 
بصلة مشلظة 
شوية كفتة 
معدنوس
جبن محكوك

شحرت البصلة في الزيت وأضفت لها الكفتة و الملح و الابزار و المعدنوس و الباقي بنفس الطريقة

هاهما السندويتشات لي حضرت وتيبقى الاختيار لكل واحد يزيد أو ينقص على حسب أشنو تيبغي

 

يمكن لنا نقدمو لكل شخص وا حدة على دوقو أو نقسمهم على 2 أو حتى على 
4