موقع شهيوات لكل ما يهم المرأة العربية
جبت ليكم
شوارما بالكريب
شوارما بالكريب
مقادير حشوة الدجاج : بصلة كبيرة مشلضة + 3 فصوص ثوم + م ص عامرة توابل شوارما الدجاج + هبرة الدجاج او بيبي مقطع رقيق وبلا ماننساو الملحة حسب الذوق
نخلطوا جميع هاد المقادير و نحطوه يرقد فالتلاجة
ندوزوا لمقادير الكريب : 3 بيضات + نصف لتر الحليب + 200g دقيق + 3 م ك الزيت + شوية الملحة
نخلطو كلشي فمولينكس و ها الكريب واجد
و نطيبوه بالقياس لي بغيتو انا درت عبار كبير
دابا ندوزو للمرحلة التالية و نصاوبو الشوارما ديالنا
نهزو الدجاج ديالنا لي رقدنا و نديروه فمقلة يطيب على نار مهيلة باش يطلق الماء, من يبدى يبياض نزيدو ليه 2 معالق د الزيت و نخليوه يطيب حتى ينشف مزيان من الماءو ها هو ملي وجد
دابا ملي وجد لينا الدجاج و الكريب ندوزو للصلصة ديال الشوارما غادي نحتاجو 2 م ك دانون طبيعي + م ك مايونيز + عصير نصف حامضة + شوية البزار بالاضافة لكورنيشو و الفرماج انا درت ديال السندويتش و لي بغات دير فرماج حمر محكوك ديرو
و دابا نعمرو الكريب ديالنا نديرو الدجاج و نزيدو فوقو شوية د كورنيشو و شوية لاصوص و الفرماج, و نطويوها بحال الى غادي نطويو الرغايف نحاولو نجيبو الحشوة الوسط و نبريسيوها في الة البانيني, نخليكم دابا مع الصور
ليست هناك تعليقات:
إرسال تعليق
السلام عليكم باب التعليقات مفتوح لأي زائرة ترغب في التعبير عن رأيها
فأتركي بصمتك وشاركي معنا في أي وقت
فنحن بإدن الله متواجدات يوميا و سنقوم بالرد علي تعليقاتكم ومناقشتها لكي نرتقي للأفضل ,
و نتمني أن تكوني استفدتي من موقع
شهيوات ميمي - Chhiwatmimi.com