المقروط بالتمر بالصور من الحلويات المغربية الرمضانية
مقادير المقروط
غدي نحتاجو للحشوة
تمر منقي ومغسول ومفور..او يمكن ليكم تشريو التمر لي كييتباع مطحون و واجد
فاش يكون التمر مزال سخون نضيفلو ملعقة صغيرة عامرة زبدة
ملعقة كبيرة ماء الزهر
ملعقة متوسطة قرفة
يمعس جيدا ويترك جانبا
و حتى إلا شريناه نضيفة ليه هاد المكونات
للعجين غدي نحتاجو
كيلو و نصف سميدة غليظة + ملعقة صغيرة قرفة + قبسة ملح
زلافة عامرة زبدة دائبة ..ممكن استعمال( بدوية) في المقروط لانو فيها سمن بزاف... او ممكن استعمال الزبدة ديال لعبار راه الثمن ديالها شوية غالي يعني ماشي لذة
كاس العنبة زيت
ولمحبي ماء الزهر يمكن ليهم يستعملو قطرات من روح الزهر
مع العلم ان ماء الزهر كيقصح لعجينة
ماء مضاف اليه قبصة زعفران لجمع سميدة
طريقة تحضير المقروط بالتمر
نبسسو السميدة بالليل بالزبدة والزيت ونغطيوها ليلة كاملة
عاد نجمعوها بالماء الملون بالقليل من الزعفران لكن شوية بشوية منجمعوش العجينة في مرة وحدة.كل مرة نجمعو كرة نحشيوها بالتمر و نقطعوها عاد نجمعوا وحدة اخرى باش سميدة ما تنشفش لينا ..وان شاء الله الصور غدي توضح الطريقة
نعملو حرابل ونسرحوهم سمك 1 سنتم ونحطو التمر في الوسط ونعاودو نحربلوهم
نزوقوهم بمرشم الخاص بالمقروط او حتى بسكين نعملو معينات بالسكين حتى هو كيجي المنظر ديالو زوين
ثم عملية القلي ..بحال الا بغينا نقليو الشباكية
نقليو ونعسلو طبعا فعسل منسم بروح الزهر
بالنسبة للزيت نحاولو منغطيوش لوجه بزاف ديال المقروط
و بالصحة و الراحة
المصدر شهيوات بلادي للطبخ المغربي http://www.chhiwat1.blogspot.com
ليست هناك تعليقات:
إرسال تعليق
السلام عليكم باب التعليقات مفتوح لأي زائرة ترغب في التعبير عن رأيها
فأتركي بصمتك وشاركي معنا في أي وقت
فنحن بإدن الله متواجدات يوميا و سنقوم بالرد علي تعليقاتكم ومناقشتها لكي نرتقي للأفضل ,
و نتمني أن تكوني استفدتي من موقع
شهيوات ميمي - Chhiwatmimi.com