موقع شهيوات زكية لكل ما يهم المرأة العربية
بيتزا على شكل كيش رائعة
دون إطالة أترككن مع المقادير والطريقة بالصور
كنعجنهوم بحال بيتزا
كنجيب قصعة ونحط فيها زلافة تاع دقيق كبيرة ونحط فيها معلقة صغيرة تاع خميرة
ومعلقة تاع سنيدة كبيرة ومعلقة كبيرة تاع زيت العود وملح
ونرش فيها زعتر ولا زعيترة كيف الصورة ونعجنها بماء دافي وندلها مزيان
ومنين نعجنها ندلها فدلاك ديك الساعة منخاليها تخمر ونمددها مزيان
كيف الصورة ونقطعا بزلافة صغيرة بحال هاد الشكل
ونستفها فلاطات صغيورين بحال هاد شكل
ونخاليهوم شي نصف ساعة بنما درت الحشوة
مقادير الحشوة
كنشد فلفلة حمرا وخضرا ونقطعهوم وبصلة صغيرة فشوية تاع زيت ولبزار ومليحة
ويتقلاو شوية ونزيد عليهوم طريفات مقطعين تاع دجاج ولا كفتة حسب الرغبة
ونخليهوم يتشحرو مزيان ونزيد تحميرة ورشة تاع زعتر او زعيترة
وشوية تاع لما تقريبا نصف كاس تاع لعنبة باش يطيب الخليط كيف الصورة
منين يطيب ونخاليه يشرب لما ويختر تولي كيف الصورة
ونكونو وجدنا صلصة راه معروفة والبيض جوج مضربين فمولينيكس مع جوج فرماجات عادييين وشوية تاع فرماج بيتزا كيف الصورة
منين دوز نصف ساعة نتقب العجينة لي فمولات صغار بفورشيط مزيان
وندهنوهوم بصلصة ونديرو الحشوة لي طيبنا
ونحطو عليها فرماج لي طربناه مع البيض ونرشو عليها الفرماج محكوك
وندخلوها الفرن حت تحمر كيف الصورة
وهاهي واجدة بالصحة والراحة
متنساوش دعيو معايا الله يفرجها عليا كنتمنى تجربوها وكنديرها حتى كبيرة بحال لي فالصورة
غي دقيق مكنديرش زلافة كاملة متكونش عامرة وحتى هي كتجي رائعة
ليست هناك تعليقات:
إرسال تعليق
السلام عليكم باب التعليقات مفتوح لأي زائرة ترغب في التعبير عن رأيها
فأتركي بصمتك وشاركي معنا في أي وقت
فنحن بإدن الله متواجدات يوميا و سنقوم بالرد علي تعليقاتكم ومناقشتها لكي نرتقي للأفضل ,
و نتمني أن تكوني استفدتي من موقع
شهيوات ميمي - Chhiwatmimi.com