كيفية تحضير الخميرة البلدية في المنزل

موقع شهيوات لكل ما يهم المرأة العربية

موقع شهيوات لكل ما يهم المرأة العربية يقدم

جبت ليكم

 

كيفية تحضير الخميرة البلدية في المنزل

كيفية تحضير الخميرة

البلدية في المنزل كتجي محمضة وبنينة الا جربتيها

ما تقدريش تستغناي عليها

مقادير الخميرة البلدية 

150g فورص

جوج معالق يوغورت طبيعي

معلقة العسل

ماء غازي والماس متلا الى مكانش ديري ما عادي

والكمية ديالو اتكون على حسب النوع ديال دقيق ديالك

غالبا اتكون نصف كمية الطحين اي 75g

كيفية تحضير الخميرة البلدية في المنزل 

كنعجنوها وندلكوها مزيان.. القوام ديالها ككون بحال العجينة ديال البيتزا

وديريها في شي وعاء وغطيها بزيف يكون فازك وحطيها

في مكان دافي تقريبا48 ساعة

من بعد كناخدوها ونخلطو معاها قدها ديال الطحين ونزيدوعليها نصها

ديال الماء متلا لقيتي فيها 300 اتزيدي عليها 150 ديال الما

وتعجنيها بالماء تاني بحيت انك تدلكيها مزيااااااان

وتجمعيها كورة ولكن تكون الكورة ديالنا مفيهاش فراغات في الداخل

ديالها يعني تكون كورة مسدودة على نفسها

كتحطيها في وعاء مغطي تاني في مكان دافي 24h

الى كان الجو سخون خليها حداك في الكوزينة الى كان بارد وعندك السخانة

ديال الدار خليها حداها الى ما عندكش فمن الافضل ديريها وسط

شي مانطا والنهار التالت تتكون جاهزة للاستعمال

وهاهوالشكل ديالها

هاد الخميرة ممكن تبقا عندك ديما

والطريقة ديال انها تبقا صالحة ومزيانة هي انك تربيها

اتقولي لي كيفاش

الطريقة انك كل نهار تكرري نفس العملية

ملي تنقصي منها متلا للعجينة ديال الخبز ديالك عاودي عبريها وزيدي

عليها قدها طحين ونصها ماء ودلكيها مزيان وغطيها واحتافضي بيها للغد

انا اختاريت ليكم هاد الطريقة لانها هي الاسهل

كاين بزاف الطرق ممكن ببحت بسيط في الانترنت تلقايهم

وانا متاكدة انك الى جربتيها ما اتبقايش تستغني عليها الى مكنتيش معكازة

طبعا لان نتيجتها مرضية بزاف كيف دكرت من قبل في كل المعجنات ديالك 

بالتوفيق ان شاء الله

بالصحة والراحة

ولأي إستفسار الرجاء ترك تعليقاتكم لأقوم بالإجابة عليها في القريب العاجل

لا تقرأ وترحل شارك معنا بتعليق فنحن نسعى

 لنقدم لك الافضل والاجمل.