طاجين اللحم بالقوق والجلبانة

موقع شهيوات لكل ما يهم المرأة العربية

جبت ليكم

 طاجين اللحم بالقوق والجلبانة

لحم غنمي أو بقري
قوق
جلبانة
مطيشة
بصل
توم
زيتون
حامض مرقد
ربيع
توابل : تحميرة ، بزار ، ملح ، خرقوم ، سكين جبير
سمن
زيت الزيتون 

أول حاجة نديرو الطاجين يسخن مزيان ، من بعد نديرو قياسنا ديال زيت الزيتون أو زيت نباتية وشوية سمن ، نزيدو جوج فصوص ثوم كبار صاينين وبصلة كبيرة محكوكة غي تشحر شوية نزيدو التحميرة ورشة ملح وبزار ونخلو البصلة حتى طيح وتحميرة نكونو سخيين فيها بلا منخافو من مداقهة لا يبان غي هو ، بالعكس كتجي بنينة بزاف في الأخير







المهم ، مني طيح البصلة نزيدو اللحم ونشحروه حتى هو ومنسوش أحسن سر في الطبخ ديال الطاجين هو العافية المهييييلة




نزيدو دبا التوابل ديالنا و ربيع المقطع ونحركو مزيان ، نزيدو مطيشة كبيرة محكوكة ونخلو الكل يتشرب من التوابل الجميلة .







نزيدو القوق والجلبانة ، بصراحة أنا سلقتهم شوية من قبل مع ملح وشوية توابل بش يتنسمو ، حيت مجمدمين مخرجتهومش من قبل وكيبغيو طياب


من بعد نزين بالحامض مرقد والزيتون وطريفة مطيشة في الجناب ومنسوش الماء نرويو به على حسب كدلك الطاجين ، كاين لناشف كيبغي الماء بزاف 


تم بحمد الله ، بصحة والراحة وإن شاء الله يعجبكم إلا جربتوه ، لا تنسونا من صالح الدعاء أخواتي

•